Tatarstanda bu ýyl dän hasyly 4 million tonna ýetdi

Tatarstanyň Respublika Başlygy Rustam Minnihanow häzirki kynçylykly şertlere garamazdan respublikanyň agrosenagat toplumynyň durnukly işleýändigini aýtdy. Ol bu sözleri Kazan Expo meýdançasynda oba hojalygy we gaýta işleýiş senagaty işgärleriniň gününe bagyşlanan dabarada beýan etdi.

Bu ýyl 4 million tonna dän hasyly ýetişdirildi. Şeýle hem 2,5 million tonna şekerli çögündiri, 1,2 million tonna kartoşka we gök-bakja önümi, 1 million tonnadan gowrak ýag tohumy ýygnamak meýilleşdirilýär. Minnihanow Tatarstanyň ilde agrar önüm öndürijileriň iň öňdebaryjylarynyň biri bolup durýandygyny belledi.

Minnihanow nebit kompaniýalaryna oba ilatyna ýeňillikli dizel ýangyjy üçin minnetdarlyk bildirdi. Onuň sözlerine görä, bu bahalaryň keskin ýokarlanmagynyň öňüni alyp, ekerançylara möwsümleýin meýdan işlerini üstünlikli geçirmek üçin ýangyjy wagtynda üpjün etmäge mümkinçilik berdi.