Татарстанда быйыл дан өнүмү 4 млн тоннага жетти

Татарстанда быйыл дан өнүмү 4 млн тоннага жетти. Татарстандын Башчысы Рустам Миннеханов Казан Экспо аянтында айыл чарба жана кайра иштетүү өнөр жайынын кызматкерлеринин күнүнө арналган салтанаттуу иш-чарада, кыйын шарттарга карабастан, республиканын агроөнөр жай комплексинин туруктуу иштеп жатканын билдирди.

Миннеханов быйыл 2,5 млн тонна кант кызылчасын, 1,2 млн тонна картөшкө жана жашылчаны, ошондой эле 1 млн тоннадан ашык майлуу өсүмдүктөрдү жыйноо пландалганын айтты. Ал ошондой эле малды күзгү-кышкы мезгилде натыйжалуу багуу үчүн жетиштүү азыктар даярдалганын белгиледи.

Миннеханов мунай компанияларына айыл тургундарына жеңилдетилген дизель отунун бергени үчүн ыраазычылык билдирди. Анын айтымында, бул баанын кескин өсүшүнүн алдын алууга жана дыйкандарга мезгилдик талаа иштерин убагында жүргүзүүгө мүмкүндүк берген. Республиканын мал чарбачылык тармагы да быйыл 2,5 млн тонна сүт, 500 миң тоннадан ашык эт жана 2 млрд жумуртка өндүрүүнү пландаштырып жатат.