Erdogan Ilham Aliýew bilen telefon arkaly söhbetdeşlik geçirdi

Türkiýäniň Prezidenti Rejep Tayyp Erdogan 21-nji oktýabrda Azerbaýjan Respublikasynyň Prezidenti Ilham Aliýewe jaň etdi. Bu barada Azerbaýjan döwlet başlygynyň matbugat gullugy habar berdi.

Telefon söhbetdeşliginde döwlet başlyklary Azerbaýjan–Türkiýe ikitaraplaýyn gatnaşyklaryny, sebitdäki we global meseleleri ele aldylar. Erdogan Azerbaýjan bilen Türkiýäniň doganlyk gatnaşyklaryna esaslanýan hyzmatdaşlygyň ösjekdigine we has ýokary derejä çykjakdygyna ynam bildirdi.

Türkiýäniň prezidenti Azerbaýjanyň döwlet garaşsyzlygynyň dikeldilmeginiň 35-nji ýyldönümi bilen ýene-de gutlady we Ilham Aliýewi Ankarada geçiriljek Türki döwletleriň guramasynyň 13-nji sammitine çagyrdy.

Aliýew Erdogana jaňy we gutlaglary üçin minnetdarlyk bildirdi hem-de azerbaýjan–türk doganlyk gatnaşyklarynyň mundan beýläk-de üstünlikli ösjekdigine ynam bildirdi.