Erdoʻgʻan Aliyev bilan telefonda suhbatlashdi

Turkiya Respublikasi Prezidenti Rajab Tayyip Erdoʻgʻan 21 oktabrda Ozarbayjon Respublikasi Prezidenti Ilhom Aliyev bilan telefon orqali suhbatlashdi. Bu haqda Ozarbayjon davlat rahbarining matbuot xizmati xabar berdi. Telefon suhbatida Ozarbayjon va Turkiya oʻrtasidagi ikki tomonlama munosabatlar hamda mintaqaviy va global masalalar muhokama qilindi.

Erdoʻgʻan Ozarbayjon va Turkiya oʻrtasidagi birodarlik asosidagi hamkorlik rivojlanishda davom etib, yanada yuqori darajaga chiqishiga ishonch bildirdi. U Ozarbayjon davlat mustaqilligining tiklanganiga 35 yil toʻlishi munosabati bilan yana bir bor tabrik yoʻlladi va Aliyevni Anqarada boʻlib oʻtadigan Turkiy davlatlar tashkilotining 13-sammitiga taklif qildi.

Aliyev telefon qoʻngʻirogʻi va tabriklar uchun Erdoʻgʻanga minnatdorchilik bildirdi. U oʻz navbatida Ozarbayjon va Turkiya oʻrtasidagi birodarlik munosabatlarining bundan keyin ham muvaffaqiyatli rivojlanishiga ishonchini ifodaladi.