Ердоған Әлиевке телефон соқты

Түрік Республикасының Президенті Режеп Тайып Ердоған 21 қазанда Әзірбайжан Республикасының Президенті Ильхам Әлиевке телефон шалды. Бұл туралы Әзірбайжан мемлекет басшысының баспасөз қызметі хабарлады. Телефон сөйлесуінде мемлекет басшылары әзірбайжан-түрік екіжақты қатынастарын, сондай-ақ аймақтық және жаһандық мәселелерді талқылады.

Ердоған Әзірбайжан мен Түркия арасындағы бауырлас қатынасқа негізделген ынтымақтастықтың дамып, одан да жоғары деңгейге көтерілетініне сенім білдірді. Ол Әзірбайжанның мемлекеттік тәуелсіздігін қалпына келтірудің 35 жылдығымен тағы да құттықтап, Әлиевті Анкарада өтетін Түркі мемлекеттері ұйымының 13-ші саммитіне шақырды.

Әлиев телефон соққаны және құттықтаулары үшін Ердоғанға алғыс айтты. Өз кезегінде ол әзірбайжан-түрік бауырлас қатынастарының осыдан кейін де табысты дамитынына сенім білдірді.