Ministr Bayraktar Türkiýe bilen Ýaponiýanyň hyzmatdaşlygyny ösdürjekdigini aýtdy

Energetika we tebigy baýlyklar ministri Alparslan Bayraktar global energetika krizisi şertlerinde Türkiýe bilen Ýaponiýanyň ikitaraplaýyn we sebitleýin hyzmatdaşlygyny pugtalandyrmak arkaly kynçylyklary bilelikde ýeňip geçip biljekdiklerini aýtdy. Ol bu sözleri Ýaponiýanyň Ankaradaky ilçihanasynyň Türkiýäniň öňki Tokio ilçisi Hasan Murat Mercan üçin guran orden tabşyryş dabarasynda sözledi.

Bayraktar soňky ýyllarda global üpjünçilik zynjyrlarynda döwülmeleriň we söwda urşlarynyň bolup geçendigini belläp, dünýäniň häzirki zaman iň uly energetika krizislerinden birini başdan geçirýändigini aýtdy. Türkiýe bilen Ýaponiýanyň energetika, söwda, senagat, medeniýet we sungat ugurlarynda möhüm hyzmatdaşlyklara gol çekendigini belleýän ministr, iki ýurduň gatnaşyklaryny has ileri alyp barmagyň zerurlygyna üns çekdi.

Bayraktar Mercanyň wezipesini ýerine ýetiren döwründe gatnaşyklary ösdürmek üçin uly tagalla edendigini belläp, oňa ýurt we döwlet adyndan minnetdarlyk bildirdi. Mercanyň türk-ýapon dostlugyna goşandynyň Ýaponiýanyň hökümeti we ymperator tarapyndan ykrar edilip, oňa orden berlendigini aýdan Bayraktar, bu ykrar üçin Ýapon tarapyna minnetdarlygyny ýetirdi.