Energetika vaziri Bayraktar Turkiya va Yaponiya hamkorligini yanada oshirishini aytdi

Energetika va tabiiy resurslar vaziri Alparslan Bayraktar global energetika inqirozi sharoitida Turkiya va Yaponiyaning ikki tomonlama hamda mintaqaviy hamkorligini mustahkamlash orqali qiyinchiliklarni birgalikda yengib oʻtishlari mumkinligini aytdi. U bu soʻzlarni Yaponiyaning Anqaradagi elchixonasi tomonidan Turkiyaning sobiq Tokio elchisi Hasan Murat Mercan uchun oʻtkazilgan orden topshirish marosimida bildirdi.

Bayraktar soʻnggi yillarda global taʼminot zanjirlarida uzilishlar va savdo urushlari yuz berganini taʼkidlab, dunyo zamonaviy davrning eng yirik energetika inqirozlaridan birini boshdan kechirayotganini aytdi. U Turkiya va Yaponiya energetika, savdo, sanoat, madaniyat va sanʼat sohalarida muhim hamkorlik qilayotganini qayd etib, ikki davlat munosabatlarini yanada rivojlantirish zarurligiga eʼtibor qaratdi.

Bayraktar Mercanning lavozimda ishlagan davrida ikki davlat munosabatlarini rivojlantirish uchun katta saʼy-harakat qilganini taʼkidlab, unga mamlakat va davlat nomidan minnatdorchilik bildirdi. Mercanning Turk-Yapon doʻstligiga qoʻshgan hissasi Yaponiya hukumati va imperator tomonidan eʼtirof etilib, unga orden berilgani haqida gapirgan Bayraktar, bu eʼtirof uchun Yaponiya tomoniga oʻz minnatdorchiligini yetkazdi.