Nazir Bayraktar Türkiyə ilə Yaponiyanın əməkdaşlığını daha da irəli aparacağını bildirdi

Enerji və Təbii Sərvətlər naziri Alparslan Bayraktar qlobal enerji böhranı qarşısında Türkiyə ilə Yaponiyanın ikitərəfli və regional əməkdaşlığını gücləndirməklə çətinliklərin öhdəsindən birlikdə gələ biləcəklərini bildirib. O, bu sözləri Yaponiyanın Ankaradakı səfirliyi tərəfindən Türkiyənin keçmiş Tokio səfiri Hasan Murat Mercan üçün təşkil edilən orden təqdim mərasimində söyləyib.

Bayraktar son illərdə qlobal təchizat zəncirlərində qırılmaların və ticarət müharibələrinin yaşandığını qeyd edib, dünyanın müasir dövrün ən böyük enerji böhranlarından birini yaşadığını bildirib. Türkiyə ilə Yaponiyanın enerji, ticarət, sənaye, mədəniyyət və incəsənət sahələrində mühüm əməkdaşlıqlara imza atdığını vurğulayan nazir, iki ölkə münasibətlərinin daha da irəli aparılmasının vacibliyinə diqqət çəkib.

Mercanın vəzifə müddəti ərzində münasibətlərin inkişafı üçün böyük səy göstərdiyini deyən Bayraktar, ona ölkə və dövlət adından təşəkkür edib. Mercanın Türk-Yapon dostluğuna töhfələrinin Yapon hökuməti və İmperator tərəfindən qiymətləndirilərək ordenə layiq görüldüyünü bildirən Bayraktar, bu qiymətləndirməyə görə Yapon tərəfinə təşəkkürünü çatdırıb.