Her çaga hilli lukmançylyk hyzmatyndan peýdalanmaly

Samarkantda geçirilýän "Çagalaryň abadançylygyna maýa goýum" atly dünýä sammiti we çaga onkologiýasy boýunça II halkara kongres halkara guramalaryň ýolbaşçylarynyň, ministrleriň we eksperdleriň gatnaşmagynda dowam edýär. Bütindünýä Saglygy goraýyş guramasynyň Ýewropa birinji derejeli lukmançylyk kömegi merkeziniň müdiri Melitta Ýakab çagalarda ýygy duş gelýän keselleri ir ýüze çykarmak we bejermek, ýokanç keselleriň garşysyna emlemek hem-de çaga onkologiýasy programmalary barada çykyş etdi.

Özbegistanyň Saglygy goraýyş ministri Eldor Adilow çaga onkologiýasy we gematologiýasynyň aýratyn ýöriteleşdirilen hyzmat hökmünde ösdürilýändigini belledi. Prezident Şawkat Mirziýoýewiň 2025-nji ýylyň 19-njy maýyndaky karary bilen 2025–2030-njy ýyllar üçin çagalar rakyna garşy göreş boýunça Milli strategiýa kesgitlendi, 2026–2035-nji ýyllar üçin Milli meýilnama taýýarlanyp tassyklandy. Ýurt 2024-nji ýylda Bütindünýä Saglygy goraýyş guramasynyň global platformasyna ilkinji pilot ýurtlaryň biri hökmünde goşuldy.

Gyrgyzystan, Täjigistan, Belarus, Russiýa we Pekin wekilleri hem tejribe paýlaşdylar. Gatnaşyjylar her çaganyň nirede ýaşamagyna we ykdysady mümkinçiligine garamazdan hilli we häzirki zaman lukmançylyk hyzmatyndan peýdalanmak hukugynyň kepillendirilmelidigini nygtadylar.