Hər uşaq keyfiyyətli tibbi xidmətdən yararlana bilməlidir

Səmərqənddə keçirilən "Uşaq rifahına investisiya" adlı ümumdünya sammiti və II Beynəlxalq Uşaq Onkologiyası Konqresi beynəlxalq təşkilatların rəhbərlərinin, nazirlərin və ekspertlərin iştirakı ilə davam edir. Ümumdünya Səhiyyə Təşkilatının Avropa Birinci Səviyyəli Tibbi-Sanitar Yardım Mərkəzinin rəhbəri Melitta Yakab uşaqlarda tez-tez rast gəlinən xəstəliklərin erkən aşkarlanması və müalicəsi, peyvənd və uşaq onkologiyası proqramları barədə məruzə etdi.

Özbəkistan Səhiyyə naziri Eldor Adilov uşaq onkologiyası və hematologiyasının ixtisaslaşdırılmış xidmət kimi inkişaf etdirildiyini bildirdi. Prezident Şavkat Mirziyoyevin 19 may 2025-ci il tarixli qərarı ilə 2025-2030-cu illər üçün Uşaq xərçənginə qarşı mübarizə üzrə Milli strategiya müəyyən edildi, 2026-2035-ci illər üzrə Milli plan təsdiqləndi. Ölkə 2024-cü ildə Ümumdünya Səhiyyə Təşkilatının qlobal platformasına ilk pilot ölkələrdən biri kimi qoşulub.

Qırğızıstan, Tacikistan, Belarus, Rusiya və Pekin nümayəndələri də təcrübələrini bölüşdülər. İştirakçılar vurğuladılar ki, hər bir uşağın harada yaşamasından və iqtisadi imkanlarından asılı olmayaraq keyfiyyətli və müasir tibbi xidmətdən yararlanma hüququ təmin edilməlidir.