Azerbaýjan «Xlinks» bilen «Ýaşyl energiýa koridory» boýunça hyzmatdaşlygy maslahatlaşdy

Azerbaýjan we Beýik Britaniýanyň «Xlinks» kompaniýasy «Hazar—Gara deňiz—Ýewropa Ýaşyl energiýa koridory»nyň ösüşine kompaniýanyň mümkin gatnaşmagyny, taslamanyň tehniki we kommersiya çözgütlerini hem-de maliýeleşdirme modelini müzakere etdi.

Energetika ministrliginiň habaryna görä, çekişmeler Bakuda energetika ministri Parwiz Şahbazow bilen kompaniýanyň baş direktory Jeýms Hamfriniň (James Humfrey) duşuşygynda geçirildi. Şahbazow ýurtlararasy energetika baglanyşyklarynyň energiýa howpsuzlygy, ekologiki durnuklylyk we ykdysady abadançylyk üçin ähmiýetini nygtady.

Hamfri kompaniýanyň taslamany goldamak, bilelikde maýa goýmak we ösüş basgançagynda öz serişdeleri bilen gatnaşmak isleginiň bardygyny aýtdy. Kompaniýanyň tehniki toparynyň suwasty kabel we ýokary woltly hemişelik tok ulgamlary boýunça tejribesi hakda maglumat berildi.