Әзербайжан мен Xlinks «Жасыл энергия дәлізі» бойынша ынтымақтастықты талқылады

Әзербайжан мен Ұлыбритания компаниясы Xlinks «Каспий–Қара теңіз–Еуропа жасыл энергия дәлізі»н дамытуға компанияның ықтимал қатысуын талқылады. Пікір алмасуда жобаның техникалық және коммерциялық шешімдері, қаржыландыру және басқару моделі қаралды. Report Энергетика министрлігіне сілтеме жасап хабарлайды.

Талқылаулар Бакуде энергетика министрі Пәрвіз Шахбазов пен компанияның бас атқарушы директоры Джеймс Хамфри арасындағы кездесуде өтті. Шахбазов электрлендірудің жеделдеген кезеңінде елдер арасындағы энергия байланыстарының энергетикалық қауіпсіздік, экологиялық тұрақтылық және экономикалық әл-ауқат үшін маңыздылығын атап өтті. Министр Оңтүстік газ дәлізінің тәжірибесі мұндай жобалардың халықтарды біріктіретінін көрсетті деп мәлімдеді.

Хамфри компанияның жобаның дамуын қолдауға, бірлескен инвестиция салуға және даму кезеңінде өз қаражатымен қатысуға мүдделі екенін білдірді. Xlinks техникалық командасының теңиз асты кабельдері мен жоғары кернеулі тұрақты ток жүйелеріндегі тәжірибесі туралы ақпарат берілді. Капитал шығындарын оңтайландыру, іске асыру мерзімдерін қысқарту және Еуропа нарықтарына жеткізілетін электр энергиясының бәсекеге қабілеттілігін арттыру бойынша ұсыныстар берілді. Реттелетін және коммерциялық компоненттерді біріктіретін гибридті модельдің қаржыландыру мүмкіндіктері мен Еуропа Одағының реттеуші шеңберіне сәйкестігі қаралды.