Nobel baýrakly Aziz Sancar Diýarbakyrda talyplar bilen duşuşdy

Nobel baýrakly alym prof. dr. Aziz Sancar Diýarbakyrda Dicle uniwersitetiniň talyplary bilen duşuşdy. «Bir ömür ylma, bir ömür adamzada» atly söhbetdeşlikde AK Partiýanyň Diýarbakyr deputaty Oýa Eronat, uniwersitetiniň rektory prof. dr. Kamuran Eronat, köp sanly akademik we çagyrylan myhmanlar gatnaşdy.

Sancar Türk döwletlerinden gelen çakylyklarda pul almaýandygyny aýtdy. Nobel baýraklylaryň adatça konferensiýa üçin 10 müň bilen 100 müň dollar aralygynda töleg alýandyklaryny belläp, oňa-da şeýle teklipleriň gelendigini, emma gitmändigini aýtdy. Ol Mardin welaýtynyň Savur etrabynda doglandygyny we harby gullugyny Diýarbakyrda geçendigini bildirdi.

Beýin ragynyň bejergisi boýunça işlerine degen Sancar, bejergide möhüm ösüş gazanylandygyny, emma muny adamlarda işläp-işlemejegi entek bilinmeýändigini aýtdy. Has köp barlag we iri haýwanlarda synaglar zerurdygyny nygtady. Programma Sancara sowgat gowşurylmagy bilen tamamlandy.