Nobel mukofoti sovrindori Aziz Sancar Diyarbakirda talabalar bilan uchrashdi

Nobel mukofoti sovrindori olim, prof. dr. Aziz Sancar Diyarbakirda Dicle universiteti talabalari bilan uchrashdi. «Bir umr ilmga, bir umr insoniyatga» mavzusidagi suhbatda AK Partiya Diyarbakir deputati Oya Eronat, rektor prof. dr. Kamuran Eronat hamda koʻplab akademiklar va taklif etilgan mehmonlar ishtirok etdi.

Sancar Turk davlatlaridan kelgan takliflar uchun pul olmasligini aytdi. U Nobel sovrindorlari odatda bir konferensiya uchun 10 ming dan 100 ming dollargacha toʻlov olishini aytib, unga ham shunday takliflar kelganini, lekin bormaganini, Turk davlatlariga pulsiz borganini bildirdi. U Mardinning Savur tumanida tugʻilganini va harbiy xizmatini Diyarbakirda oʻtkazganini aytdi.

Miya saratonini davolash boʻyicha ishlariga toʻxtalgan Sancar, davolashda muhim yutuqlarga erishilganini, ammo bu odamlarda samarali boʻlish-boʻlmasligi hali nomaʼlumligini aytdi. Koʻproq tadqiqot va yirik hayvonlarda sinovlar zarurligini taʼkidladi. Dastur Sancarga sovgʻa topshirilishi bilan yakunlandi.