Nobel mükafatçısı Aziz Sancar Diyarbəkirdə tələbələrlə görüşdü

Nobel mükafatçısı alim Prof. Dr. Aziz Sancar Diyarbəkirdə Dicle Universitetinin tələbələri ilə görüşdü. «Bir ömür elmə, bir ömür insanlığa» adlı söhbətdə AK Parti Diyarbəkir deputatı Oya Eronat, rektor Prof. Dr. Kamuran Eronat, çox sayda akademik və dəvətli iştirak etdi.

Sancar Türk dövlətlərindən gələn dəvətlərdə pul almadığını bildirdi. Nobel mükafatçılarının adətən konfrans üçün 10 min ilə 100 min dollar arasında ödəniş aldığını deyən Sancar, ona da belə təkliflər gəldiyini, lakin getmədiyini, Türk dövlətlərinə pulsuz getdiyini söylədi. O, Mardinin Savur ilçəsində doğulduğunu və hərbi xidmətini Diyarbəkirdə keçdiyini bildirdi.

Beyin xərçəngi müalicəsi üzrə işlərinə toxunan Sancar, müalicədə mühüm irəliləyiş əldə edildiyini, lakin bunun insanlarda işləyib-işləmədiyinin hələ bilinmədiyini dedi. Daha çox tədqiqat və iri heyvanlarda sınaq lazım olduğunu vurğuladı. Proqram Sancara hədiyyənin təqdim edilməsi ilə başa çatdı.