Şawkat Mirziýoýew “Rosatom” döwlet korporasiýasynyň baş direktoryny kabul etdi

Özbegistanyň Prezidenti Şawkat Mirziýoýew oktýabryň 23-nä Russiýanyň “Rosatom” döwlet atom energiýa korporasiýasynyň baş direktory Aleksey Lihaçýowy kabul etdi. Prezidentiň metbugat gullugynyň habaryna görä, duşuşykda Özbegistanda gurulmaly birinji integrirlenen atom elektrik stansiýasynyň taslamasyny durmuşa geçirmek we öňe gidişlikli tehnologiýalara esaslanýan degişli infrastrukturany ösdürmek meseleleri ara alnyp maslahatlaşyldy.

Habarda birinji reaktoryň binasynyň binýadynyň gurulmagy we AES-iň taslamasy boýunça işleriň yzygiderli dowam edýändigi bellenildi. Pudak üçin ukyplý hünärmenleri taýýarlamaga aýratyn üns berildi, şol sanda Taşkentdäki “MIFI” Milli barlag ýadro uniwersitetiniň şahamçasynyň we “Rosatom” kompaniýasynyň desgalarynyň mümkinçiliklerinden peýdalanmak göz öňünde tutulýar. Şeýle hem geljekki AES-iň golaýynda energiýa tygşytly jaýlar, häzirki zamanaça bilim, saglygy goraýyş we sport edaralary, ilat üçin amatly sosial infrastruktura eýe “atomçylar şäherçesi” gurmak boýunça hyzmatdaşlygyň geljegi-de maslahatlaşyldy.