Rosatom: Özbegistandaky AES işleriniň 40%-e çenlisi ýerli kompaniýalara berilip biliner

Rosatomyň baş direktory Aleksey Lihaçew 23-nji oktýabrda Daşkentde žurnalistlere Özbegistanyň Jizzah welaýatyndaky AES taslamasynda kompetensiýalaryň 40%-e çenlisiniň ýerli kompaniýalar tarapyndan ýerine ýetirilip biljekdigini aýtdy. Onuň sözlerine görä, ýerli podratçylaryň has köp iş etmegi taslamanyň ykdysady modelini netijeli eder.

Bu ýerde gigawatt derejesindäki iki sany VVER-1000 blogy we RITM-200 reaktoryna esaslanan, her biri 55 MW güýçli iki sany kiçi modul blok gurulýar. Lihaçew dünýäde bir wagtyň özünde iki gigawattlyk bloklary we iki sany kiçi reaktory gurýan başga ýer ýokdugyny belleýär. Gigawattlyk bloklaryň doly möçberli gurluşygynyň 2027-nji ýylda başlanmagy meýilleşdirilýär. Stansiýa doly güýjünde işläp başlanda, ýylda 17,2 milliard kWh elektrik energiýasy öndüriler.

Lihaçew Özbegistanyň dört reaktor bilen çäklenmejekdigini we Rosatomyň işjeň gatnaşmaga taýyndygyny aýtdy. Ol Daşkentdäki MİFI filialynda geçirilen “Merkezi Aziýa — Atom-2050” çärasynda çykyş etdi. Şol gün ony Özbegistanyň Prezidenti Şawkat Mirziýoýew kabul etdi. Gepleşikde gurluşygyň barşy, kadr taýýarlygy we stansiýanyň golaýynda döredilmeli atomçylar şäheri ara alyndy.