Gazagystanly okuwçy Alidan Saulebek Hýustondaky halkara olimpiadasynda birinji boldy

Gazagystanda geçen okuw ýylynda mekdep okuwçylary halkara olimpiadalarda we ylmy bäsleşiklerde 1000-den gowrak medal gazandy. Bu bäsleşiklere 5 müňden gowrak okuwçy gatnaşdy. Astanadaky 84-nji mekdep-liseý okuwçysy Alidan Saulebek ABŞ-nyň Hýuston şäherinde geçirilen halkara tebigat ylymlary olimpiadasynda mutlak birinji boldy.

Bäsleşikde Hytaý, Mongoliýa, Hindistan, Latyn Amerikasy, Ýewropa ýurtlary we Rusiýa ýaly 15 ýurduň okuwçylary gatnaşdy. Himiýa mugallymy Elmira Kažekenowa bu netijä ýetmek üçin diňe formulalary bilmegiň ýeterlik däldigini, logiki pikirlenmegiň we bilimi amalyýetde ulanmagyň zerurdygyny aýtdy.

Alidan häzir respublika himiýa olimpiadasyna taýyrlanýar we biotehnolog bolmagy arzuw edýär. Gazagystanyň Terbiýe ministrligi zehinli okuwçylara goldawyň güýçlendirilendigini, tassyklanan sanawdaky bäsleşikleriň ýeňijilerine we baýraklylaryna döwlet baýraklarynyň göz öňünde tutulandygyny we mugallym-maslahatçylaryň hem höweslendirilýändigini habar berdi.