Gazagystan: Tokaýew iň past aýlyk hakyny 100 müň tenge çenli ýokarlandyrmagy tabşyrdy

Gazagystanyň Prezidenti Kasym-Žomart Tokaýew ýurt halkyna çykyş edip, iň past aýlyk hakyny 85 müň tengeden 100 müň tenge çenli ýokarlandyrmagy hökümete tabşyrdy. Habary Akordanyň maglumatyna salgylanyp NUR.KZ berdi. Tokaýewiň sözlerine görä, bu wezipe indiki ýylyň 1-nji ýanwarynda ýerine ýetirilmeli we 1,8 million adamyň, şol sanda býujetden aýlyk alýan 370 müňden gowrak işgäriň girdejisini artyrar.

Prezident, şeýle hem birinji basgançak lukmançylyk-sanitariýa kömegi ulgamyny modernizasiýa etmegiň ähmiýetini belledi. Umumy tejribe lukmanlarynyň wezipelerini giňeltmek we bu ulgamyň maliýeleşdirilişini tapgyrlaýyn artdyrmak meýilleşdirilýär. Hökümete bu ugurda işleýän hünärmenleriň aýlygyny iş tejribesine görä 40 göterim ýokarlandyrmak tabşyryldy. Bu indiki ýylyň 1-nji ýanwaryndan başlanar we 77 müňden gowrak hünärmeniň girdejisini artyrar.