Gazagystanda täze döwlet sylaglary girizilýär

Gazagystanyň Parlamenti (Kurultaý) deputatlaryň başlangyjy bilen taýyrlanan, Gazagystan Respublikasynyň “Döwlet sylaglary hakynda” Kanunyna üýtgetmeler we goşundylar girizmek baradaky kanun taslamasyny ikinji okamakda makullady we üçünji okamakda kabul etdi. Bu barada Egemen Qazaqstan Egemen.kz-e salgylanyp habar berýär.

Üýtgetmeler Döwlet Baştutanynyň Kurultaýyň birinji çagyryşynyň birinji mejlisiniň açylyşynda medeniýet we sungat pudagyndaky döwlet sylaglary baradaky kanunçylygy kämilleşdirmek hakynda beren tabşyrygyny ýerine ýetirmek maksady bilen taýyrlanypdyr.

Kanunda ýerli sazçylyk sungatyny we aýdym döredijiligini ösdürmekde miweli işi we aýratyn zähmeti üçin raty-raýatlary sylaglamak üçin “Şamşy Kaldaýakow” medalyny bellemek göz öňünde tutulýar. Şeýle hem güzel sungatda öz iň oňat eserleri bilen tapawutlanýan we milli medeni sungaty ösdürmekde aýratyn zähmet siňdiren işgärler üçin “Gazagystanyň at gazanan suratkeşi” hormatly adyny girizýär.

Döwlet Baştutany döwlet sylaglarynyň hataryna “Hoja Ahmet Ýasawi” ordenini girizmek barada permanyň goýuljakdygyny aýdypdyr.