Qozogʻistonda yangi davlat mukofotlari joriy etiladi

Qozogʻiston Parlamenti (Kurultoy) deputatlarning tashabbusi bilan ishlab chiqilgan, Qozogʻiston Respublikasining “Davlat mukofotlari toʻgʻrisida”gi qonuniga oʻzgartish va qoʻshimchalar kiritish haqidagi qonun loyihasini ikkinchi oʻqishda maʼqulladi va uchinchi oʻqishda qabul qildi. Egemen Qazaqstan Egemen.kz ga tayanib xabar bermoqda.

Tuzatishlar Davlat rahbarining Kurultoyning birinchi chaqiriq birinchi sessiyasi ochilishida madaniyat va sanʼat sohasidagi davlat mukofotlari toʻgʻrisidagi qonunchilikni takomillashtirish boʻyicha bergan topshirigʻini bajarish maqsadida ishlab chiqilgan.

Qonunda mahalliy musiqa sanʼati va qoʻshiqchilik ijodini rivojlantirishdagi samarali faoliyati va alohida xizmatlari uchun fuqarolarni taqdirlashga moʻljallangan “Shamshi Qaldayoqov” medali tayinlash nazarda tutilgan. Shuningdek, tasviriy sanʼatdagi yuksak asarlari bilan ajralib turadigan va milliy badiiy madaniyatni rivojlantirishga alohida hissa qoʻshgan arboblar uchun “Qozogʻiston xizmat koʻrsatgan rassomi” faxriy unvoni joriy etiladi.

Davlat rahbari davlat mukofotlari qatoriga Xoja Ahmad Yassaviy ordenini kiritish toʻgʻrisidagi farmonni imzolashini aytgan.