Özbegistan sentýabr aýynda altyn eksportyny dikeltmedi

Özbegistan awgust aýynda togtadan altyn eksportyny sentýabr aýynda dikeltmedi. Bu barada Milli statistika komitetiniň hasabatynda habar berilýär. Ýanwar-sentýabr döwründe umumy eksport 25,8 milliard dollar bolup, geçen ýylyň şol döwri bilen deňeşdirilende 5,5 göterim azaldy. Esasy sebäp gymmatbaha metal üpjünçiliginiň azalmagy boldy.

Dokuz aýda altyn eksporty 2,8 milliard dollar bolup, bu geçen ýylky 9,8 milliard dollardan 3,5 esse az. Ýurt bu ýyl altyny diňe aprel (1,5 milliard dollar) we iýul (1,3 milliard dollar) aýlarynda eksport etdi. Beýleki harytlaryň eksportyndan gelen girdeji bolsa 31,6 göterim artyp, 13,3 milliard dollara ýetdi.

Nawoý magdan-metallurgiýa kombinatynyň ýanwar-iýun döwründäki fiziki altyn öndürilişi takmynan 2 göterim azalyp, 1,508 million troý unsiýa boldy. Oktýabr aýynyň başyna Özbegistanyň halkara ätiýaçlyklary 66,58 milliard dollar bolupdyr; altyn ätiýaçlygynyň bahasy bolsa dünýä bahalarynyň peselmegi sebäpli 60,08 milliard dollara düşdi.