Oʻzbekiston sentyabrda oltin eksportini qayta boshlamadi

Oʻzbekiston avgust oyida toʻxtatgan oltin eksportini sentyabr oyida qayta boshlamagan. Bu haqda Milliy statistika qoʻmitasining hisobotida xabar berilgan. Yanvar-sentyabr davrida umumiy eksport 25,8 milliard dollarni tashkil etib, oʻtgan yilning shu davriga nisbatan 5,5 foizga kamaygan. Asosiy sabab qimmatbaho metall yetkazib berishning qisqarishi boʻldi.

Toʻqqiz oyda oltin eksporti 2,8 milliard dollarni tashkil etgan, bu oʻtgan yilgi 9,8 milliard dollardan 3,5 marta kam. Mamlakat bu yil oltinni faqat aprel (1,5 milliard dollar) va iyul (1,3 milliard dollar) oylarida eksport qilgan. Boshqa tovarlar eksportidan tushgan daromad esa 31,6 foizga oshib, 13,3 milliard dollarga yetgan.

Navoiy kon-metallurgiya kombinatining yanvar-iyun davridagi jismoniy oltin ishlab chiqarishi taxminan 2 foizga kamayib, 1,508 million troy untsiyani tashkil etgan. Oktyabr boshiga Oʻzbekistonning xalqaro zaxira aktivlari 66,58 milliard dollar boʻlgan; oltin zaxirasining qiymati jahon narxlarining pasayishi tufayli 60,08 milliard dollarga tushgan.