Mickoski: Kromberg & Schubert-den täze maýa goýum, 2 müň adama iş

Demirgazyk Makedoniýanyň Premýer-ministri Hristiýan Mickoski nemes “Kromberg & Schubert” kompaniýasynyň ýurtda täze maýa goýum amala aşyrjakdygyny we bu çäklerde 2 müň adamyň iş bilen üpjün ediljekdigini habar berdi. Täze desgada nemes awtomobil giganty Audi üçin bölekler öndüriler.

Mickoski Facebook hasabyndaky paýlaşymynda maýa goýumy Makedoniýanyň ykdysadyýeti üçin möhüm ösüş hökmünde häsiyetlendirdi. Täze iş orunlarynyň raýatlar we olaryň maşgalalary üçin hem ähmiýetli bolandygyny belleýän Mickoski, her täze işiň täze mümkinçilikler, maşgalalar üçin has köp kepillik we has gowy durmuş diýmekdigini aýtdy. Maýa goýumyň hökümetiň maksatlary we programmasy esasynda amala aşyrylandygyny belläp, “Konkret netijeler bilen öňe gidýäris” diýdi.

Beýanatynda muhalifleri hem tankytlan Mickoski, hökümetiň täze iş mümkinçilikleri döredýändigini, muhalifleriň bolsa weýrançylyk, ýalan we syýasy päsgelçiliklere sebäpli gündeme gelýändigini öňe sürdi. Premýer-ministr ykdysady ösüş üçin täze maýa goýumlary çekmegi we raýatlaryň durmuş şertlerini gowulandyrmagy dowam etdirjekdiklerini belledi.