Mickoski: Kromberg & Schubert yangi investitsiya kiritadi, 2 ming kishiga ish oʻrni

Shimoliy Makedoniya Bosh vaziri Xristiyan Mickoski nemis “Kromberg & Schubert” kompaniyasi mamlakatda yangi investitsiya amalga oshirishi va bu doirada 2 ming kishi ish bilan taʼminlanishini eʼlon qildi. Yangi korxonada nemis avtomobil giganti Audi uchun ehtiyot qismlar ishlab chiqariladi.

Mickoski Facebook sahifasidagi xabarida investitsiyani Makedoniya iqtisodiyoti uchun muhim yutuq deb baholadi. Yangi ish oʻrinlari fuqarolar va ularning oilalari uchun ham ahamiyatli ekanini aytgan Mickoski, har bir yangi ish yangi imkoniyatlar, oilalar uchun koʻproq kafolat va yaxshiroq hayot degani ekanini taʼkidladi. Investitsiya hukumat dasturi va maqsadlari doirasida amalga oshirilganini qayd etgan Mickoski, “Aniq natijalar bilan oldinga siljiymiz”, dedi.

Bayonotida muxolifatni ham tanqid qilgan Mickoski, hukumat yangi ish oʻrinlari va imkoniyatlar yaratayotganini, muxolifat esa vayronagarchilik, yolgʻon va siyosiy toʻsiqlar bilan ajralib turishini taʼkidladi. Bosh vazir iqtisodiy rivojlanish uchun yangi investitsiyalar jalb qilishda va fuqarolarning turmush sharoitini yaxshilashda davom etishlarini bildirdi.