Mickoski: Kromberg & Schubert-dən yeni investisiya, 2 min nəfərə iş yeri

Şimali Makedoniyanın baş naziri Xristian Mickoski alman “Kromberg & Schubert” şirkətinin ölkədə yeni investisiya həyata keçirəcəyini və bu çərçivədə 2 min nəfərin işlə təmin olunacağını açıqlayıb. Yeni müəssisədə alman avtomobil nəhəngi Audi üçün detallar istehsal ediləcək.

Mickoski Facebook hesabındakı paylaşımında investisiyanı Makedoniya iqtisadiyyatı üçün mühüm inkişaf kimi səciyyələndirib. Yeni iş yerlərinin vətəndaşlar və onların ailələri üçün də əhəmiyyət daşıdığını bildirən Mickoski, hər yeni işin yeni imkanlar, daha çox təminat və daha yaxşı həyat demək olduğunu vurğulayıb. Investisiyanın hökumətin proqram və hədəfləri çərçivəsində həyata keçirildiyini qeyd edən Mickoski, “Konkret nəticələrlə irəliləyirik” deyib.

Açıqlamasında müxalifəti də tənqid edən Mickoski, hökumətin yeni iş imkanları yaratdığını, müxalifətin isə dağıntı, yalanlar və siyasi əngəllərlə gündəmə gəldiyini iddia edib. Baş nazir iqtisadi inkişaf üçün yeni investisiyalar cəlb etməyə və vətəndaşların həyat şəraitini yaxşılaşdırmağa davam edəcəklərini bildirib.