Mirzoýan: Günorta Kawkazdaky parahatçylyk sebitden daşary ýurtlara hem peýda getirmeli

Ermenistanyň daşary işler ministri Ararat Mirzoýan Bahreýnde geçirilen "Manama dialogy" forumynyň ahyrky panel çekişmesinde Günorta Kawkazda yglan edilen parahatçylygyň diňe sebit ýurtlaryna däl, sebitden daşarda ýerleşýän ýurtlara hem konkret hereketler we hakyky netijeler bilen peýda getirmeli bolýandygyny aýtdy. Mirzoýan sebitiň tejribesiniň uzak wagtlaýyn gapma-garşylygyň näçe gymmat düşýändigini we diplomatiýanyň haýsy mümkinçilikleri döredip biljekdigini görkezýändigini belle etdi.

Mirzoýanyň pikirine görä, Azerbaýjan we Ermenistan arasyndaky hyzmatdaşlygyň prinsipleri uzak möhletli parahatçylyga we howpsuzlyga öwrülmeli. Ol demir ýol, elektrik energiýasy, optiki süýüm, nebit we gaz infrastrukturasyny öz içine alýan TRIPP ("Tramp marşruty") taslamasynyň zerurlygyny nygtady. Ministriň sözlerine görä, taslama diňe Baky bilen Erewan we göni goňşy ýurtlar arasynda däl, Gündogar bilen Günbatarýň, Demirgazyk bilen Günortanyň arasyndaky baglanyşyklary güýçlendirmekde möhüm rol oynaýar.