Mirzoyan: Cənubi Qafqazda bəyan edilən sülh regiondan kənar ölkələrə də fayda verməlidir

Ermənistanın xarici işlər naziri Ararat Mirzoyan Bəhreyndə keçirilən "Manama Dialoqu" forumunun yekun panel müzakirəsində Cənubi Qafqazda bəyan edilmiş sülhün region ölkələrinə deyil, regiondan kənardakı ölkələrə də konkret hərəkətlər və real nəticələrlə fayda verməli olduğunu bildirib. Mirzoyan qeyd edib ki, regionun təcrübəsi uzunmüddətli qarşıdurmanın nə qədər baha başa gəldiyini və diplomatiyanın hansı imkanlar yaratdığını göstərir.

Mirzoyanın fikrincə, Azərbaycan və Ermənistan arasında əməkdaşlıq prinsipləri uzunmüddətli sülh və təhlükəsizliyə çevrilməlidir. O, dəmir yolu, elektrik enerjisi, optik lif, neft və qaz infrastrukturunu əhatə edən TRIPP ("Tramp marşrutu") layihəsinin vacibliyini vurğulayıb. Nazirin sözlərinə görə, layihə təkcə Bakı ilə İrəvan və birbaşa qonşu ölkələr arasında deyil, Şərqlə Qərb, Şimalla Cənub arasında əlaqələrin gücləndirilməsində mühüm rol oynayacaq.