Gyrgyzystanda elektrik bilen ýyladylýan köp gatly jaýlar üçin 7 kVt çäk

Gyrgyzystanda Energetika ministrliginiň başlangyjy boýunça, bir fazaly sanagçy bilen üpjün edilen, elektrik bilen ýyladylýan köp kwartiraly ýaşaýyş jaýlary üçin elektrik kuwwatynyň çägi 5 kVt-dan 7 kVt-a çenli ýokarlandyrylar. Bu çäre diňe şol kategoriýadaky jaýlara degişli bolar. Maglumaty “Gyrgyzystanyň milli elektrik ulgamy” AG (NESK) habar berdi.

Kompaniýanyň düşündirişine görä, şeýle jaýlaryň ýaşaýjylary elektrik energiýasyny diňe aşhana we öý enjamlary üçin däl, eýsem güýz-gyş pacylynda ýeke-täk ýylylyk çeşmesi hökmünde ulanýarlar. Bu transformator enjamlaryna iň ýokary ýük döredýär.

Diňe Bişkekde bu kategoriýa 276 köp gatly jaý girýär. Beýleki ähli öý ulanyjylary we aýry-aýry öýler üçin bir fazaly giriş kuwwaty 5 kVt derejesinde galar. Energetika ministrligi we paýlaýjy energetika kompaniyalary, sowuk döwürde kuwwat ýetmezçiligine duş gelýän raýatlaryň köp sanly ýüzlenmeleri sebäpli hökümete bu teklibi girizdi.