Qirgʻizistonda elektr isitiladigan koʻp qavatli uylar uchun quvvat limiti 7 kVt ga oshiriladi

Qirgʻizistonda Energetika vazirligining tashabbusiga koʻra, bir fazali hisoblagichli, elektr energiyasi bilan isitiladigan koʻp kvartirali turar joy binolari uchun elektr quvvati limiti 5 kVt dan 7 kVt ga oshiriladi. Bu choralar faqat shu toifadagi binolarga taalluqli boʻladi. Maʼlumotni “Qirgʻiziston milliy elektr tarmogʻi” OAJ (NESK) eʼlon qildi.

Kompaniyaning taʼkidlashicha, bunday uylar aholisi elektr energiyasidan faqat ovqat pishirish va maishiy asboblar uchun emas, balki kuz-qish davrida yagona issiqlik manbai sifatida foydalanadi. Bu esa transformator jihozlariga choʻqqi yuklamasi yaratadi.

Faqat Bishkekda bu toifaga 276 ta koʻp qavatli uy kiradi. Boshqa barcha maishiy isteʼmolchilar va yakka tartibdagi uylar uchun bir fazali kirish quvvati 5 kVt darajasida qoladi. Energetika vazirligi va taqsimlovchi energetika kompaniyalari sovuq davrda quvvat yetishmasligiga duch kelayotgan fuqarolarning koʻplab murojaatlari sababli hukumatga bu taklifni kiritgan.