НЭСК: 7 кВт лимит электр менен жылытылган көп кабаттуу үйлөргө гана жогорулатылат

Энергетика министрлигинин электр энергиясын берүүнүн уруксат берилген кубаттуулугун 5 кВттан 7 кВтка чейин көтөрүү демилгеси электр энергиясы менен жылытылган, бир фазалуу эсептегичтери бар көп кабаттуу турак үйлөргө гана тарайт. Бул тууралуу «Кыргызстандын Улуттук электр тармагы» ААКсы (НЭСК) билдирди.

Компаниянын түшүндүрмөсүнчө, мындай үйлөрдүн тургундары электр энергиясын тамак жасоо жана тиричилик приборлору үчүн гана эмес, күз-кыш мезгилинде жылытуунун бирдиктүү булагы катары да колдонууга мажбур. Бул трансформатордук жабдууларга чоң жүктөмө түзөт.

Бишкекте гана мындай категорияга 276 көп кабаттуу үй кирет. Калган бардык тиричилик керектөөчүлөр жана жеке үйлөр үчүн бир фазалуу киргизүүнүн уруксат берилген кубаттуулугу 5 кВт деңгээлинде калат. Мурун Кыргыз Республикасынын Энергетика министрлиги жана бөлүштүрүүчү энергокомпаниялар суук мезгилде жарандардын көп кайрылуусуна байланыштуу кубаттуулук лимитин көтөрүү сунушун өкмөткө киргизгенин билдирилген.