Alatau City Londonda görkezildi: Gazagystan 1,3 milliard dollarlyk 9 ylalaşyk baglaşdy

Gazagystanyň Londonda geçirilen maliýe maslahatynda, Prezident Kasym-Žomart Tokaýewiň başlangyjy bilen döredilýän Alatau City görkezildi. Tegelek stol maslahatyna 70-den gowrak kompaniýanyň, banklaryň we gaznalaryň wekilleri gatnaşdy. Taslama ýurduň ilkinji doly sanly şäheri hökmünde meýilleşdirilýär.

Gazagystanyň Hökümet başlygynyň orunbasary Kanat Bozumbaýew 9 ylalaşygyň 1,3 milliard dollar möçberinde baglaşylandygyny we bu diňe başlangyç bolandygyny aýtdy. Ylalaşyklar dermeçilik önümçiliginden şäher infrastrukturasyny maliýeleşdirmegine çenli giň ugurlary öz içine alýar. Exeter uniwersiteti, Brighton College we Repton Group bilen okuw mekdeplerini açmak barlanylýar; AstraZeneca bilen saglygy goraýyş pudagynda hyzmatdaşlyk edilýär.

JPMorgan, London biržasy we Ýewropa dikeldiş we ösüş banky bilen maliýeleşdirme meseleleri ara alyndy. Maliýe portfelinde 67 taslama, takmynan 7 milliard dollar baha we 55 müň iş orny bar. Ýewropa görkezme sapary Germaniýada dowam etdiriler.