Alatau City Londonda taqdim etildi: Qozogʻiston 1,3 milliard dollarlik 9 ta kelishuv imzoladi

Qozogʻistonning Londondagi investitsiya yigʻilishida Prezident Qosim-Jomart Toqayev tashabbusi bilan barpo etilayotgan Alatau City taqdim etildi. Dumaloq stol yigʻilishida 70 dan ortiq kompaniya, bank va fond vakillari ishtirok etdi. Loyiha mamlakatning birinchi toʻliq raqamli shahri sifatida rejalashtirilgan.

Qozogʻiston Bosh vazir oʻrinbosari Kanat Bozumbayev 9 ta kelishuv 1,3 milliard dollar miqdorida imzolanganini va bu faqat boshlanish ekanini aytdi. Kelishuvlar dori ishlab chiqarishdan shahar infratuzilmasini moliyalashtirishgacha boʻlgan keng sohalarni qamrab oladi. Exeter universiteti, Brighton College va Repton Group bilan taʼlim muassasalarini ochish koʻrib chiqilmoqda; AstraZeneca bilan sogʻliqni saqlash sohasida hamkorlik qilinmoqda.

JPMorgan, London fond birjasi va Yevropa tiklanish va taraqqiyot banki bilan moliyalashtirish masalalari muhokama qilindi. Investitsiya portfelida 67 ta loyiha, taxminan 7 milliard dollar qiymat va 55 ming ish oʻrni nazarda tutilgan. Yevropa taqdimot turi Germaniyada davom etadi.