Alatau City Londonda təqdim edildi: Qazaxıstan 1,3 milyard dollarlıq 9 saziş imzaladı

Qazaxıstanın Londonda keçirilən investisiya görüşündə, Prezident Kasım-Comert Tokayevin təşəbbüsü ilə yaradılan Alatau City təqdim edildi. Dəyirmi masa görüşündə 70-dən çox şirkət, bank və fond nümayəndəsi iştirak etdi. Layihə ölkənin ilk tam rəqəmsal şəhəri kimi planlaşdırılır.

Qazaxıstan Hökumətinin vitse-baş naziri Kanat Bozumbayev 9 sazişin 1,3 milyard dollar məbləğində imzalandığını və bunun yalnız başlanğıc olduğunu bildirdi. Sazişlər dərman istehsalından şəhər infrastrukturunun maliyyələşdirilməsinə qədər geniş sahəni əhatə edir. Exeter Universiteti, Brighton College və Repton Group ilə təhsil müəssisələrinin açılması müzakirə olunur; AstraZeneca ilə səhiyyə sahəsində əməkdaşlıq aparılır.

JPMorgan, Londonun Fond Birjası və Avropa Yenidənqurma və İnkişaf Bankı ilə maliyyələşmə müzakirə edildi. İnvestisiya portfelində 67 layihə, təxminən 7 milyard dollar dəyər və 55 min iş yeri nəzərdə tutulur. Avropa təqdimat turu Almaniyada davam edəcək.