Gazagystanda 500-e golaý täze derman adynyň öndürilmegi meýilleşdirilýär

Gazagystanyň Hökümeti Prezidentiň Ýüzlenmesini durmuşa geçirmäge gönükdirilen Umumymilli meýilnama taslamasyny tassyklady. Meýilnamada sosial-ykdysady ösüşiň 12 ugruny öz içine alýan 96 çäre bar we infrastrukturany ösdürmä aýratyn ähmiýet berilýär. Milli gorramdan takmynan 6,5 trillion tenge sosial we infrastruktur taslamalara ugrukdyrylmagy meýilleşdirilýär.

Saglygy goraýyş pudagynda sekiz maýa goýum taslamasy çäklerinde takmynan 500 derman adyny öndürmek göz öňünde tutulýar. Ilkinji 300 preparatyň 2030-njy ýila çenli öndürilip başlanylmagy belirtildi. Umumy maýa goýum 860 million dollardan geçýär we taslamalar 1200-den gowrak iş orny döreder. Saglygy goraýyş ministri Akmaral Alnazarowa mugt reçete boýunça berilýän dermanlaryň satyn alynmagynyň meýilleşdirilenden üç aý öň başlanandygyny, meýilleşdirilen möçberiň 84 göterimi satyn alnandygyny we ýyl ahyryna çenli bu görkezijiniň 95 göterime çykarylmagyny aýtdy.

Baş ministr Olžas Bektenow meýilnamanyň tassyklanmagynyň diňe bir başlangyç bolup, Hökümetiň her bendiň ýerine ýetirilişini gözegçilikde saklajakdygyny nygtady. Ykdysadyýet ministri Serik Žumangarin bolsa indiki ýylda Orta telekeçiligi ösdürmegiň meýilnamasynyň tassyklanjakdygyny habar berdi.