Қазақстанда 500-ге жуық жаңа дәрі-дәрмек атауы шығарылады

Қазақстан Үкіметі Президенттің Жолдауын іске асыруға арналған Жалпыұлттық жоспардың жобасын мақұлдады. Жоспарда әлеуметтік-экономикалық дамудың 12 бағытын қамтитын 96 іс-шара бар, оның ішінде инфрақұрылымға ерекше назар аударылған. Ұлттық қордан шамамен 6,5 триллион теңге әлеуметтік және инфрақұрылымдық жобаларға бағытталуы жоспарланған.

Денсаулық сақтау саласында сегіз инвестициялық жоба аясында шамамен 500 дәрі-дәрмек атауын өндіру жолға қойылады. Алғашқы 300 препарат 2030 жылға дейін өндіріле бастайды. Жалпы инвестиция 860 миллион доллардан асады, ал жобалар 1200-ден астам жұмыс орнын құрады. Денсаулық сақтау министрі Ақмарал Әлназарова тегін рецептпен берілетін дәрілерді сатып алу жоспардан үш ай бұрын басталғанын, жоспарланған көлемнің 84%-ы сатып алынғанын және жыл соңына дейін көрсеткіш 95%-ға жеткізілетінін айтты.

Премьер-министр Олжас Бектенов жоспарды мақұлдау тек бастама екенін және Үкімет әрбір тармақтың орындалуын бақылайтынын атап өтті. Ұлттық экономика министрі Серік Жұмангарин келесі жылы Орта кәсіпкерлікті дамыту жоспары бекітілетінін мәлімдеді.