Gazagystanda 2027-nji ýyldan 77 müňden gowrak lukmanyň aýlygy ýokarlanar

Gazagystanda 2027-nji ýylyň 1-nji ýanwarynda başlap poliklinikalardaky 77 müňden gowrak uçastka hyzmaty işgäriniň aýlygyny ýokarlandyrmak meýilleşdirilýär. Saglygy goraw ministri Akmaral Alnazarowa hökümetde geçirilen brifingde bu barada giňişleýin maglumat berdi.

Ministrligiň hasaplamasyna görä, bu goşmaça töleg üçin ýylda takmynan 137 milliard tenge gerek bolar. Alnazarowanyň aýtmagyna görä, goşmaça tölegiň möçberi üznüksiz iş stažyna we psihoemosional ýüke baglydyr. Ministr uçastka hünärmenleriniň aýlygynyň 40 göterime çenli ösüp biljekdigini aýtdy.

Ministrligiň çaklamasyna görä, uly iş tejribesi bolan umumy amaliýet lukmanynyň aýlygy oba ýerlerde 760 müň tenge, şäherde bolsa 607 müň tenge ýetip biler. Maşgala lukmanlary bir günde 40–50 adama çenli kabul edip bilýändiklerini we esasy aýlygyň köplenç ýeterlik bolmaýandygyny aýdýarlar.