Tokayev: Qozogʻistonning YaIM 2019-yildan beri 30% oshdi

Qozogʻiston Prezidenti Qosim-Jomart Toqayev 23-oktabrda Oq Ordada mamlakatning iqtisodiy va ijtimoiy koʻrsatkichlari boʻyicha bir qator raqamlarni eʼlon qildi. Uning soʻzlariga koʻra, 2019-yildan beri iqtisodiyot taxminan 30% oʻsgan, aholi jon boshiga YaIM esa birinchi marta 15 ming dollardan oshgan.

Toqayev, "Bolalar uchun Milliy fond" doirasida 7 million bolaning hisob raqamlariga 2,5 milliard dollar oʻtkazilganini hamda oʻrtacha umr koʻrish davomiyligi 76 yilga yaqinlashganini aytdi. Jahon banki maʼlumotlariga koʻra, bu mintaqada birinchi oʻrin. U, shuningdek, bir yilda 20 million kvadrat metrdan ortiq uy-joy qurilganini, avtomobil va yuk mashinalari ishlab chiqarish yiliga 150 mingdan oshganini hamda 1 483 ta bogʻcha va 1 342 ta maktab ochilganini maʼlum qildi.

Andrey Chebotarev raqamlar boʻyicha fikrini FINANCE.kz Telegram kanalida eʼlon qildi. U 30% oʻsishning olti yilda oʻrtacha yiliga taxminan 4,5% ga teng ekanini qayd etdi. Chebotarev, 15 ming dollarlik koʻrsatkich nominal ekanini, xarid qobiliyati pariteti boʻyicha esa Qozogʻiston 35–40 ming dollar atrofida boʻlishini yozdi.