Ilhom Aliyev: Ozarbayjon hududlarini Armaniston bosqinidan ozod qildi, adolatni tikladi

Ozarbayjon Prezidenti Ilhom Aliyev Madaniyatlararo muloqot boʻyicha 7-Jahon forumi ochilishida hududlarni Armaniston bosqinidan ozod qilganini, adolat va qadr-qimmatni tiklaganini aytdi. U mustaqillikning 35 yili davomida maqsadlariga erishishlariga doim ishonganini bildirdi.

Aliyev koʻp yillar davomida asosiy maqsad hududiy yaxlitlikni tiklash va Armaniston bosib olgan Ozarbayjon yerlarini ozod etish boʻlganini taʼkidladi. Uning soʻzlariga koʻra, yillar davomida olib borilgan muzokaralar natija bermagan, muzokara formati nizoni hal qilishni nazarda tutmagan, aksincha uni muzlatish rejalashtirilgan edi. Jarayon hech qayerga olib bormagach, u BMT Nizomi va 51-moddada mustahkamlangan oʻzini himoya qilish huquqi bilan birga qonuniy huquqlarni hisobga olib, masalani hal qilishga qaror qilganlarini aytdi.

Prezident hududlar 32 yil davomida Armaniston bosqini ostida boʻlganini, ularni ozod qilib, xalqaro huquq talablarini bajarganlarini qayd etdi. U 1993-yilda qabul qilingan BMT Xavfsizlik Kengashi qarorlari Armaniston qoʻshinlarining hududlardan darhol, toʻliq va shartsiz chiqarilishini talab qilganini, ammo bu qarorlar 30 yil davomida qogʻozda qolganini qoʻshimcha qildi.