XVF Qirgʻizistonning 2026-yil iqtisodiy oʻsish prognozini 6,1% dan 9% ga oshirdi

Xalqaro valyuta fondi (XVF) Qirgʻizistonning 2026-yil iqtisodiy oʻsish prognozini 6,1 foizdan 9 foizgacha oshirdi. Prognoz 2,9 foiz bandga oshdi. Yangi koʻrsatkichlar XVFning oktyabr oyidagi «Jahon iqtisodiyoti istiqbollari» hisobotida keltirilgan.

Yangilangan maʼlumotlarga koʻra, Qirgʻiziston iqtisodiyoti 2027-yilda yana 7 foizga oʻsishi mumkin. Iyun prognozida fond mamlakat 2026-yilda 6,1 foiz, 2027-yilda esa 5,8 foiz oʻsishini kutgan edi. Shunga koʻra, 2027-yil prognozi ham 1,2 foiz bandga oshirildi. XVF bahosiga koʻra, mamlakat real YaIM 2025-yilda 11,1 foizga oshgan.

Fond inflyatsiya prognozlarini ham qayta koʻrib chiqdi. Oktyabr bahosiga koʻra, inflyatsiya 2026-yilda 12,7 foiz, 2027-yilda esa 14,3 foiz boʻlishi mumkin. Aprel prognozida XVF bu koʻrsatkichlarni mos ravishda 10,6 va 10 foiz deb kutgan edi. Fondning mintaqaviy hisobotida barqaror investitsiyalar, pul oʻtkazmalari va kapital oqimi Kavkaz va Markaziy Osiyo davlatlarida iqtisodiy faollikni qoʻllab-quvvatlayotgani qayd etilgan.