Ozarbayjonda minimal ish haqi 2027-yilning yanvaridan oshirilishi mumkin

Ozarbayjonda minimal ish haqini 2027-yilning yanvaridan oshirish mumkinligi aytildi. Buni Milliy Majlisning iqtisodiy siyosat, sanoat va tadbirkorlik qoʻmitasi aʼzosi Aydin Huseynov Modern.az bilan suhbatida bildirdi.

Deputatning soʻzlariga koʻra, oshirish miqdori belgilanayotganda inflyatsiya koʻrsatkichlari bilan birga kelgusi yil uchun narx oʻsishi prognozlari ham hisobga olinadi. Huseynov minimal ish haqining oʻzgarishi boshqa ish haqlariga ham taʼsir qilishini va yagona tarif jadvali boʻyicha maoshlarni qayta belgilash uchun asos yaratishini aytdi.

Deputat, shuningdek, ish haqlaridagi oshirishlar pensiya va ijtimoiy nafaqalar miqdoriga ham taʼsir qilishini qayd etdi. Eslatib oʻtamiz, Ozarbayjonda minimal oylik ish haqi 2025-yil 1-yanvardan boshlab 400 manat etib belgilangan.