Shimoliy Kipr xorijiy ishlar vaziri: Kipr muammosini hal qilish uchun ikki davlat haqiqati tan olinsin

Shimoliy Kipr Turk Respublikasi tashqi ishlar vaziri Tahsin Ertugʻruloʻglu BRT telekanalidagi dasturda Kipr muammosida mavjud BMT parametrlari va Xavfsizlik Kengashi qarorlari oʻzgarmas ekan, muzokaralardan natija chiqmasligini taʼkidladi. U yechim uchun ikki davlatning teng suverenitetini tan olish kerakligini aytdi.

Ertugʻruloʻglu, Kipr turk tomoni Rum tomoni bilan teng maqomga ega boʻlmasdan olib boriladigan muzokaralar Kipr turk xalqiga va KTRK ga foyda keltirmasligini bildirdi. U ishonchni mustahkamlash choralari doirasidagi aloqalar ham mavjud holatni kuchaytirayotganini aytib, BMT Xavfsizlik Kengashining 186-sonli qarorini va undan keyingi qarorlarni tanqid qildi. Uning fikricha, tomonlarning maqomini tenglashtirish uchun Xavfsizlik Kengashining yangi qarori zarur.

Ertugʻruloʻglu Turkiyani Kipr turk tomonining yagona kafolatchisi deb hisoblashini aytdi hamda Angliya va Gretsiyaning kafolatchilik majburiyatlarini bajarmaganini taʼkidladi. U KTRK ning tan olinishi boshqa davlatlarning qabuliga bogʻliq emasligini va ikki davlat oʻrtasida hamkorlikka asoslangan munosabatlar oʻrnatilishi mumkinligini bildirdi.