«Ак калфак» татар әйелдері ұйымының мүшелері Өзбекстанға іссапармен келді

Өзбекстанда «Ак калфак» Дүниежүзілік татар әйелдері қоғамдық ұйымының кезекті көшпелі отырысы өтіп жатыр. Дүниежүзілік татар конгресінің баспасөз қызметінің хабарлауынша, сапарға Татарстанның аудан және қалаларынан, сондай-ақ Ресей Федерациясының басқа өңірлерінен әйелдер қатысып отыр.

Дүниежүзілік татар әйелдері ұйымының жетекшісі және Татарстанның «Ak калфак» республикалық қоғамдық ұйымының төрағасы Кадрия Идрисова басқарған делегация сапардың алғашқы күндерінде Самарқан мен Бұхараға барды. Бұхарадағы татар-башқұрт орталығында Татарстан, Удмуртия, Орынбор және Новосибирск облыстарынан, сондай-ақ Германиядан келген 24 әйел бұхаралық татарлардың қызметімен танысты. Ұйым жетекшісі Халида Сабитова өткен іс-шаралардың нәтижелері мен болашақ жоспарлары туралы баяндады.

Кадрия Идрисова балалардың таза, акцентсіз сөйлеуін үлгі етіп атап өтті және татар тілінде ән айтып, би билеген орыс жігітінің бәрін тамсандырғанын айтты. Ұйымның белсенді мүшелеріне Дүниежүзілік татар конгресінің сыйлықтары мен алғыс хаттары табысталды. Сапардың мақсаты — ағартушы және ғалым Шиһабетдин Мәржанидің ізімен жүріп, оның өмірбаянын тереңірек зерттеу, сондай-ақ көрнекті тұлғаларды, татар халқының салт-дәстүрі мен тарихын зерделеу.