Қазақстан Республика күні: Трамп, Эрдоған, Си Цзиньпин Тоқаевты құттықтады

Шетелдік мемлекет басшылары мен халықаралық ұйымдардың жетекшілері ұлттық мереке – Республика күнімен Қазақстан Президенті Қасым-Жомарт Тоқаевты құттықтады. Бұл туралы Tengrinews Президент баспасөз қызметі Ақордаға сілтеме жасап хабарлады.

Ресей Президенті Владимир Путин елдің экономикалық және әлеуметтік жетістіктерін, халықаралық істердегі конструктивті рөлін атап өтті. Екі ел арасындағы қарым-қатынасты стратегиялық серіктестік пен одақтастық рухында дамып жатқанын айтты. Қытай Халық Республикасының Төрағасы Си Цзиньпин Қазақстанда ауқымды саяси реформалар жүзеге асып жатқанын, қоғамдық тұрақтылық пен экономикалық өсу сақталып отырғанын атап өтті. АҚШ Президенті Дональд Трамп екі ел арасындағы Кеңейтілген стратегиялық серіктестікті жоғары бағалады.

Өзбекстан, Қырғызстан, Тәжікстан, Түрікменстан, Түркия, Әзірбайжан және Франция басшылары да құттықтау жолдады. Түркия Президенті Режеп Тайып Ердоған 2026 жылғы 14 мамырда Астанада өткен Жоғары деңгейдегі стратегиялық ынтымақтастық кеңесінің алтыншы отырысын атап өтті. Қырғызстан Президенті Садыр Жапаров 1990 жылғы 25 қазандағы Мемлекеттік егемендік туралы декларация тәуелсіз Қазақстанға жол ашқанын айтты.