Ильхам Әлиев «Интерфакс» агенттігіне сұхбат берді: Әзербайжан әскері Тау Қарабақта басымдыққа ие болды

2020 жылдың 28 қазанында Әзербайжан Республикасының Президенті Ильхам Әлиев Ресейдің «Интерфакс» ақпарат агенттігіне сұхбат берді. Сұхбат Әзербайжан Қарулы күштерінің 27 қыркүйекте Армения әскерлерінің майдан бойындағы ауқымды провокациясына жауап ретінде қарсы шабуылын бастағаннан кейін бір ай өткен соң берілді. Кейін «Темір мұшт» деп аталған операция кезінде 44 күн жалғасқан Отан соғысы шамамен отыз жылдық басып алуға нүкте қойып, аумақтық тұтастық қалпына келтірілгенін Тренд агенттігі хабарлады.

Президент армияның ұрыс даласындағы басымдығын дәлелдегенін және бір ай ішінде басып алынған аумақтың едәуір бөлігі азат етілгенін айтты. Физули, Джебраил, Зәнгілан, Құбадлы қалалары мен Ходжавенд ауданының бір бөлігі азат етілді. Армения басып алынған қалған аумақтардан әскерін шығаруға міндеттеме алса, әскери әрекеттерді тоқтатуға дайын екенін мәлім етті. Ол атысты тоқтату келісімінің үш рет бұзылғанын атап өтті. Оның айтуынша, әзербайжандықтар Шушаға, Ханкендіге және бұрын өмір сүрген барлық жерлеріне оралуы тиіс.