Қырғызстанның 2027 жылғы бюджеті: онкологияға қаржы және балаларға жәрдемақы артады

Қырғызстан Жоғорку Кеңешінің қаржы, бюджет, кәсіпкерлік және бәсекелестікті дамыту комитеті 30 қазанда 2027–2029 жылдарға арналған бюджет жобалары бойынша парламенттік тыңдаулар өткізді. Парламент баспасөз қызметінің хабарлауынша, талқыда кіріс болжамдарының нақтылығы, кәсіпкерлік пен инвестиция жағдайлары және аймақтарды қаржыландыру мәселелері қаралды.

Жоспарға сәйкес, 2027 жылы онкологиялық көмекке қаржыландыру 500 млн сомға артып, 2 млрд сомнан 2,5 млрд сомға жеткізіледі. 2027 жылдың 1 қаңтарынан бастап мүгедек балаларға төленетін жәрдемақы санаты бойынша 6 мыңнан 9 мың сомға және 8 мыңнан 11 мың сомға дейін өседі. Комитет төрағасы Алтынбек Құдайбердиев бюджеттің үш басымдығын атап өтті: тұрақты кіріс, әлеуметтік міндеттемелерді уақтылы қаржыландыру және шығындардың тиімділігі.

Депутаттар мектеп құрылысы мен жөндеу мәселелерін де көтерді. Ұсыныстың бірі — 37-мектептің бар ғимаратын жөндеудің орнына жаңасын салу, оның шығыны шамамен 400 млн сом деп бағаланды. Ұланбек Жаанбаев әр облыс орталығында кем дегенде бір инклюзивті орталық ашуды ұсынды.