Тоқаев: болашақ құрылысы білікті кадр қолында

Қазақстан Президенті Қасым-Жомарт Тоқаевтың Қазақстан халқына Жолдауы ел дамуының жаңа кезеңін айқындайтын стратегиялық құжат ретінде сипатталды. Жолдауда ішкі тұрақтылықты нығайту, экономикалық әлеуетті арттыру және халықтың әл-ауқатын жақсартуға бағытталған түбегейлі реформалардың негізгі бағыттары белгіленді.

Президенттің 2027 жылды «Жалпыхалықтық ауқымды құрылыс жылы» деп жариялау ұсынысының әлеуметтік мәні зор деп атап өтілді. Л.Н.Гумилев атындағы Еуразия ұлттық университетінің ректоры Ерлан Сыдықовтың мақаласында әр мектеп, аурухана, жол, кітапхана мен спорт кешені білікті мамандардың білімі мен еңбегіне сүйенетіні айтылған. Университеттің сәулет-құрылыс факультетінде осы бағыттағы кәсіби кадрлар даярланады.

Мақалада Лейпциг қолданбалы ғылымдар университетімен, Гренобль Альпы университетімен жүргізілетін білім беру бағдарламалары, сондай-ақ «Дубна» университетімен ядролық физика бойынша қос дипломды бағдарлама аталады. Сонымен қатар сутегі өндіру және сақтау технологиялары, қатты оксидті отын элементтері және жылу сорғылары бойынша ғылыми зерттеулер туралы айтылады.