Зеленский Эрдоғанмен келіссөз үшін Стамбулға келді

Украина президенті Владимир Зеленский Түркия президенті Режеп Тайып Эрдоғанмен келіссөз алдында командасымен бірге Стамбулға келгенін мәлімдеді. Келіссөздің күн тәртібінде Қара теңіздегі кеме қатынасы мәселесі де бар.

Зеленский X әлеуметтік желісіндегі жазбасында украиналықтардың қорғанысын күшейтуге, Түркиямен байланысты тереңдетуге және «нақты дипломатиялық перспективаларды» дамытуға жұмыс істеп жатқанын жазды. Ол сапар барысында Константинополь Экуменикалық Патриархы Бартоломеймен кездесу жоспарланғанын да айтты.