Казакстанда насыя берүүгө көзөмөл күчөтүлүп жатат: 11 банк текшериледи

Казакстанда насыя берүүгө көзөмөл күчөтүлүүдө. Финансылык рынокту жөнгө салуу жана өнүктүрүү агенттиги DSR деп аталган туруктуу көзөмөл процессин баштайт. Адистер банктардын кардарлардын төлөй алуу жөндөмдүүлүгүн канчалык туура баалап жатканын, алардын реалдуу кирешелерин жана милдеттенмелерин кантип эсепке алганын текшерет. Негизги максат – калктын ашыкча карызга батышынын алдын алуу.

Жаңы механизм 11 ири экинчи деңгээлдеги банкты камтыйт. Бул пилоттук долбоордун жыйынтыктарынан улам киргизилди: сегиз банкта карыз жүгүртүүсүнүн коэффициентинин эсеби талдалып, ыкмаларда айырмачылыктар табылган. Баш адис Анель Толкынбекова карыз алуучулардын кирешесин баалоонун ишенимдүүлүгүнө жана насыя милдеттенмелеринин толук эсепке алынышына өзгөчө көңүл бурулаарын айтты.

Сентябрда кепилсиз керектөө насыяларын берүү жылдык көрсөткүч боюнча 7,6%га кыскарды, бирок казакстандыктар 1 триллиондон ашык тенге жаңы насыя алышты. 1-октябрга карата жеке адамдардын насыя портфели жылдын башынан бери 7,5%дан ашык өсүп, 27 триллион тенгеге жакындады. Экономист Андрей Чеботарёв банктардын өздөрү да карыз алуучулардын төлөй алуу жөндөмдүүлүгүн баалоого кызыкдар экенин белгиледи. Адистердин пикиринше, көзөмөлдүн күчөшү керектөө насыяларынын жеткиликтүүлүгүнө таасир этиши мүмкүн.