Түркиянын Тышкы иштер министрлиги Европа комиссиясынын отчетуна каршы чыкты

Түркиянын Тышкы иштер министрлиги Европа комиссиясынын 2026-жылкы Түркия боюнча отчету тууралуу жазуу жүзүндөгү билдирүү жарыялады. Министрлик отчеттогу, айрыкча саясий критерийлер жана сот системасы менен негизги укуктар тармагындагы негизсиз айыптоолорду четке какты. Анын айтымында, бул айыптоолор кээ бир Европа Биримдигинин расмий адамдарынын кош стандарттуу мамилесин чагылдырат.

Министрлик отчетто Греция менен Кипрдеги грек тарапынын максималисттик позицияларынын корголо турганын, ал эми Түркиянын жана Түндүк Кипр Түрк Республикасынын мыйзамдуу укуктары менен кызыкчылыктарынын эске алынбаганын белгиледи. Билдирүүдө Европа Биримдиги Кипр маселесинде грек тарабынын позициясын шартсыз кабыл алган учурда, чечим издөө аракеттерине салым кошо албай тургану айтылды. Чыгыш Жер Орто деңизи боюнча баалоолор эл аралык укукка карама-каршы деп табылды.

Ошол эле учурда министрлик отчеттогу Түркиянын экономикалык жана акча-кредит саясатындагы илгерилөөсүн жана жакшы иштеген рыноктук экономикасы боюнча тыянактарды оң баалады. Министрлик бажы бирлигин жаңылоо боюнча күтүүсүн кайра ырастап, Түркиянын өз ara ишеним, сый урмат жана адилеттүүлүккө негизделген мамилелерди өнүктүрүүгө даяр экенин айтты.